LAOAG CITY – Bimmisita iti White House ni French President Emmanuel Macron no sadinno a personal a nakataripnongna ni United States President Donald Trump.
Naammoan a sumagmamano kadagiti napagsasaritaanda ket ti maaddaan ti naiget a pannakikammayet ti dua a pagilian.
Naaddaan pay ti panagkontra ti dua kalpasan nga inbatad ni Trump a maipagarup a paut-utangen ti Europa ti Ukraine iti pananglaban ti Russia.
Nupay kasta, inlawlawag ni Macron a saan daytoy a pautang iti Ukraine no di ket tulong tapno malabanan ti panangraot ti Russia.
