LAOAG CITY – Inbatad ti Department of Budget Management a ngimmato ti gastos ti gobierno para iti 2024 iti 14.6% no idasig iti napalabas a tawen.
Kalpasan ti makatawen nga under spending, pinilit ni Presidente Ferdinand Marcos Jr. ti ahensia tapno usarenda dagiti budgetda.
Segun ken ni Joselito Basilio, Principal Economist ti Department of Budget Management, nupay temporario laeng daytoy a datos, ket adda ti pagsayaatanna.
Indauluan ti Department of Public Works and Highways (DPWH) ti panaggasto gapu kadagiti proyekto ti imprastruktura, bayat a simmaruno ti Department of National Defense gapu kadagiti proyektoda a modernisasion.
Kabayatanna, ti Department of Social Welfare and Development (DSWD) nga adda ti dati a nababa ti obligasionna idi tawen 2023, ket karaman itan kadagiti kangrunaan a nagastos gapu iti panagpasayaat kadagiti sistema a kas panangipaay ti tulong ken pension.
