LAOAG CITY – Nakaruk-at manipod iti nadagsen a first half ti Germany ken nakaiskor ti late comeback tapno abaken ti Ivory Coast, iti iskor a 2-1, iti panagtultuloy ti FIFA World Cup competition.
Nabayag a na-outplay ti Germany iti umuna a paset ti laban ken nabati pay ti iskor kalpasan ti goal ni Franck Kessie iti maika-10 a minuto ti ay-ayam para iti Ivory Coast.
Iti baet ti kontrol ti kalaban iti possession ken tempo, nagtalinaed a positibo ti Germany agingga iti second half no sadinno a nangrugi a naggunay ti bench strength ni coach Julian Nagelsmann.
Naiserrek ti sumagmamano a fresh players, karaman ni Deniz Undav, ken ditoy nga in-inot a nagbaliw ti direksyon ti ay-ayam.
Gapu iti dua a goals ni Undav ket nagun-od ti Germany ti napateg a panangabak ken nakumpirmaran ti pwesto da iti
knockout stage.
Aminado ti German camp a saan a nagbalin nga alisto ti laban, ngem inpaganetget da ti character ken depth ti squad a nangipaay ti panangabak uray adda iti bench ti nagbalin a game-changer.
