LAOAG CITY – Nangabak ti Barangay Ginebra ti NorthPort iti iskor a 131-106 iti agtultuloy a PBA Philippine Cup.
Manipud iti rugi ti ay-ayam ket saanen a pinalamang ti Ginebra ti Batang Pier.
Bimmida iti balligi ti Ginebra ti rookie a ni RJ Abarrientos a nakairekord ti 27 points idinto nga addaan ti 25 points ni Jayson David.
Nangnayon ti 17 points ni Stephen Holt idinto nga addaa ti sag-15 points da Japeth Aguilar ken Troy Rosario.
Inbatad ni Ginebra head coach Tim Cone a saanda a naawanan ti pokus ken inaramidda ti amin tapno agballigi.
Saan met nga immanay ti 19 points ni William Navarro ken 17 points met ni Sidney Onwubere.
