LAOAG CITY – Inlawlawag ti Department of Energy (DOE) nga awan ti mapaspasamak a power interruption kadagiti off-grid areas iti pagilian iti baet ti kinakurang iti suplay ti langis.
Inbatad ni Energy Secretary Sharon Garin, basar iti pammilinda iti Philippine National Oil Company (PNOC), prioridad dagiti off-grid area iti pannakaibunong ti diesel supply.
Inpettengna nga awan ti nasken a pagdanagan ti publiko mainaig iti posible a rotational brownout kadagiti nasao a lugar.
Kumpiansa ti Department of Energy iti agdama a diesel buffer stock ti pagilian.
Immunan nga inpasigurado ti Energy Department nga umabot iti 54 nga aldaw ti suplay ti diesel ti pagilian.
