LAOAG CITY – Inbatad ni Senate President Pro Tempore Panfilo “Ping” Lacson nga adda ti sumagmamano a grupo a maipagarop a manggangandat nga agkiddaw ti suporta manipod kadagiti kameng ti uniformed services para iti possible a military-backed “People Power revolution,” ngem nalidem nga agballigi daytoy nga addang.
Segun ken ni Lacson, nakaawat ti impormasyon nga adda ti sumagmamano a retirado nga opisyal a mangikarkarigatan nga agkalap ti suporta manipod iti uneg ti Armed Forces of the Philippines (AFP).
Kuna na nga adda ti sigurado a manggandat iti daytoy ngem adda iti ruwar ti Armed Forces of the Philippines no sadinno a no adda man iti uneg ket mabilbilang laeng ti maallukoy a sumurot iti nasao a grupo.
Innayon na a basar kadagiti contact na iti Philippine National Police (PNP), awan ti makitkita na a senyales a dumakkel wenno “snowball” ti nasao a tignay.
Mamati pay ni Lacson nga awan ti gundaway ti nasao nga addang gapu ta agtalinaed a propesyonal ti Armed Forces of the Philippines.
Inpaganetget na a basta agtalinaed a professional ti Armed Forces of the Philippines ken patien na nga agtalinaed a professional dagitoy, awan ti nadagsen a rason tapno maaddaan ti military junta wenno baro People Power revolution
Ni Lacson ket nagserbi iti uniformed service manipod 1971 agingga iti 2001 iti agpada a Armed Forces of the Philippines ken Philippine National Police, ken nagbalin a PNP Chief manipod 1999 agingga iti 2001.
Iti napalabas a tawen, kinontra ni Lacson ti ideya a military-backed “reset” wenno junta iti baet ti pungtot ti publiko kadagiti isyu ti korapsyon.
Inpalgak na a masapol nga agpannuray ti pagsungsungbatan ngem saan a madadael ti 1987 Constitution of the Philippines.
Inpetteng na nga iti babaen ti Konstitusyon, agleppas iti House Speaker ti linya ti presidential succession.
Daytoy ti rason no apay nga inpila na ti Designated Survivor Bill a mangpalawa ti succession line tapno mairaman ti kataengan a miyembro ti Senado ken Kamara.
