LAOAG CITY – Kataripnong ni Sang Panlalawigan member Domingo Ambrocio, ti chairman ti Committee on Agriculture iti junta provincial ni Doctor Loida Valenzuela, ti Provincial Veterinarian ditoy probinsya tapno pagsaritaan da dagiti rumbeng a maaramid mainaig iti African Swine Fever (ASF).
Inlawlawag na nga uray ibilang na a saan pay a makaalarma daytoy ditoy probinsya gapu ta awan pay ti kaso ti ASF ket rumbeng latta nga ikkan da ti importansya.
Inbatad na nga amwen na no ania ti mabalin nga irekomendar ni Valenzuela a mabalin a makatulong kadagiti agtartaraken ti baboy.
Kuna ni Ambrocio a masapol nga uray awan pay ti kaso nga ASF ditoy probinsya ket agaramid dan ti addang tapno masigurado nga awan ti makastrek a karne ti baboy ditoy probinsya nga apektado ti ASF.
Innayon na a makaammon ti Veterinary Office a mangidanun ti impormasyon kadagiti hog raisers seknan iti daytoy a banag.
Immapela ni Ambrocio kadagiti umili a masapol nga agridam ken tumulong iti gobierno tapno awan ti mairekord a kaso ti ASF ditoy probinsya.
