LAOAG CITY – Naibilang ti Ilocos Norte a kangatuan ti COVID-19 vaccination rate iti intero a Rehiyon 1.
Iti kaudian a datus, umabot ti 99% wenno katukad ti 495,627 a tattao dagiti fully vaccinated.
Nakairekord ti probinsya ti 536 956 dagiti partially vaccinated residents.
Itultuloy ti gobyerno probinsyal ti pannakapapigsa ti immunization program, kangrunaan kadagiti local industry workers, estudyante, ken dagiti agtutubo a kwalipikado ti tawen na.
Ginutigot met ti gobyerno probinsyal dagiti saan pay a nabakunaan a residente nga agpabakuna babaen ti panagturong kadagiti local health offices tapno makaala ti vaccination schedule.
