LAOAG CITY – Agsagsagaba iti agdama ni Governor Imee Marcos ti sakit a shingles wenno kulibra.
Segun kenni Sang. Panlalawigan Member Dr. Ramon Gaoat, ti nasao a sakit ket maysa a viral disease.
Inbatad na a ti nasao a shingles ket naibati ti panagsakit ti tuko iti maysa a tao.
Kunana a ti kangrunaan nga apektaran ti shingles a parte ti bagi ket dagiti ur-urat.
Innayun ni Dr. Gaoat a no saan a maibatugan iti umiso nga agas ket mabalin nga agpaot daytoy agingga iti maysa a tawen.
Mamati ti Bokal a daytoy ti rason ti panagbakasyon ti gobernador.
Nupay kasta, inbatad ni Senior Board Member Matthew Marcos Manotoc nga agpalpalaing pay laeng ti gobernador idiay Manila ken saan a naka-confine iti ospital.
