LAOAG CITY – Nagsagaba ti 2nd degree burn ti rupa ti maysa a menor de edad kalpasan a napabettakan ti boga idiay Dingras, Ilocos Norte.
Nabigbig ti biktima a ni Giolo Castro y Duran, agtawen ti 10, Grade 4 student iti Medina-Parado Elementary School ken residente ti Brgy. Parado iti nasao nga ili.
Segun ti imbestigasyon, bayat nga us-usaren ni Castro ti nasao a boga a kukua ti pada na met laeng a menor de edad a residente iti nasao a lugar ket maipagarop a nag-malfunction.
Gapo iti daytoy, kinita ni Castro ti uneg ti tubo ket maipagarop a ditoy a bimtak ken timmama iti rupa na.
Kalpasan ti insidente ket dinadael a dagos ti ina ti biktima ti nasao a boga.
