LAOAG CITY – Maisagsaganan ti kaso a maipila kontra ti natiliw a lakay kalpasan a nalakwan na ti paltog ti nagpammarang a gumatang kenkuana.
Daytoy ti inbatad ni Police Chief Insp. Roldan Suitos, hepe ti PNP Sarrat.
Kuna na a malaksid iti panaglako ti suspek iti paltog ket human trafficker pay gapu iti panangibugaw na kadagiti menor de edad ken mabaybayadan da iti 500 a pisos agpangato.
Binigbig ni Suitos ti suspek a ni Teddy Piesta, agtawen ti 70 ken residente iti Brgy. 3 Sta. Barbara, Sarrat ken naarestar da iti Brgy. 2 San Agustin iti nasao nga ili.
Segun kenni Suitos, narekobre da ti maysa a caliber 38 revolver, addaan ti innem a bala, dua a bala manipud iti suspek.
Inbatad na a sumango ti suspek iti kaso a panaglabsing iti RA 10591 wenno illegal possesion of firearms.
Innayon ni Suitos nga inadmitir ni Fiesta nga adda pay ti kadua na nga aglaklako ti paltog ken granada ngem saan da a naabotan iti Brgy. 20 iti nasao nga ili idi nangiwayat da iti follow up investigation.
iti mainaig a damag,
Inpasingked ni Police Chief Insp. Roldan Suitos, hepe ti PNP Sarrat nga ituloy da ti agimbestigar kalpasan ti pannakatiliw ti suspek a ni Teddy Fiesta a residente ti Brgy. 3 Sta. Barbara iti ili ti Sarrat.
Daytoy ket gapu iti maipagrup nga adda ti pannakainaig ti suspek iti Human Trafficking.
Kuna ni Suitos nga adda dagiti impormasyon nga agibugbugaw ti suspek kadagiti menor de edad ken dagitoy ket maipagarup a taga ili ti Sarrat wenno naggapu iti sabali nga ili.
