LAOAG CITY – Balligi a naisayangkat ti Halal Business 101 babaen ti Provincial Micro Small and Medium Enterprises.
Segun ken ni Mrs. Elma Gabriel, adu ti naimbitaran manipud kadagiti nagduduma a sektor kas ti academe, business owners, tourism industries, national government agencies kas ti Department of Science and Technology ken Technical Education and Skills Development Authority.
Inbatadna a daytoy nga aktibidad ket maibilang nga awareness seminar no sadinno a ditoy a nailawlawag a ti halal ket saan laeng a maipapan iti taraon dagiti Muslim no diket mangipasimudaag ti kinadalus ken kinapintas dagiti ididiayada a produkto.
Inlawlawagna a naisursuro pay kadagiti nakipaset iti aktibidad ti umiso a panangkablaaw kadagiti kustomer wenno bisita dagitoy.
Innayonna nga adda ti 125 ti nakipartisipar iti nasao nga aktibidad.
