LAOAG CITY – Inlawlawag ti maysa nga Health Practitioner a ni Dr. Alan Taylan, Internal Medicine ti St. Camillus De Lellis Hospital ti posible a panagngato ti blood pressure ti maysa nga indibidual.
Segun kenkuana, ti blood sugar ket arig isu ti gasolina ti bagi ti maysa a tao manipud kadagiti taraon nga ipapauneg kas kadagiti carbohydrates.
Inbatadna a ti simple sugar ket maala manipud iti asukar, sinam-it, tsokolate, ice cream ken dadduma pay idinto a ti complex carbohydrates ket maala manipud iti nateng, kamutig, inapoy ken dadduma pay.
Inlawlawagna a masapul nga ammoen ti blood sugar level tapno maammoan no ania ti pudno a kasasaad ti bagi ti maysa a tao.
Kunana a kasapulan ti disiplina iti bagi babaen iti pananglimitar kadagiti ipapauneg a taraon tapno saan a ngumato ti blood sugar level.
Innayonna a nakadepende pay ti trabaho wenno kanayon nga ar-aramiden ti maysa a tao ti mabalin nga ipauneg a taraon tapno agbalin a balanse met laeng iti bagi.
