LAOAG CITY – Naarestar ti maysa nga High Value Individual iti Anti-Illegal Drug Buy-bust Operation iti Barangay Baay iti siudad ti Batac.
Basar iti Philippine Drug Enforcement Agency – Ilocos Norte, ti suspek ket nabigbig laeng iti alyas Darwin ken residente ti Barangay Bungon iti nasao a siudad.
Nakumpiskar manipud iti suspek ti innem nga heat-sealed transparent plastic sachet a naglaon ti maipagarup a shabu nga agdagsen ti 1.3 grams, buy-bust money ken dadduma pay a drug paraphernalia.
Iti agdama, nagtalinaed ti suspek iti Batac City Police Station ken sumango iti kaso gapu iti panaglabsingna iti Republic Act No. 9165 wenno ti Comprehensive Dangerous Drugs Act of 2002
