LAOAG CITY – Nagpanawagan ken ni human rights Lawyer Atty. Dino de Leon ken ni DILG Secretary Jonvic Remulla nga agikkat iti puesto no saanna a matiliw ti pugante a ni Sen. Ronald “Bato” dela Rosa nga aglemlemmeng iti linteg.
Inbatad ni de Leon, ni Remulla ket saan a maikumpara ken ni dati a PNP Chief Nicolas Torre a naaramidna a maisuko iti linteg ni dati a Presidente Rodrigo Duterte ken ti sinukatanna a ni dati a DILG Secretary Benhur Abalos ket natiliwna ni dati a Bamban Mayor Alice Guo ken pugante a preacher a ni Apollo Quiboloy.
Kunana nga iti panawen ni Remulla, uray maysa nga high profile fugitive ket awan pay ti natiliw ken agtultuloy a birbiroken dagiti otoridad da dati nga Ako Bicol congressman Zaldy Co a wanted iti ghost flood projects ken negosiante a ni Atong Ang a wanted gapu kadagiti mapukpukaw a mammallot.
Inpettengna a saan a maaramid ni Remulla ti responsibilidad nangruna iti panangidaulo daytoy iti PNP.
