LAOAG CITY – Dinayaw dagiti netizens ti visual artist a ni Nestor Abayon Jr. gapu kadagiti hyper-realistic paintings na.
Segun ken ni Nestor, 2019 idi rinugianna nga inaramid dagiti artworkna ken agarup maysa agingga iti tallo a bulan ti panagleppas iti tunggal painting.
Innayonna a dagiti paboritona a subject ket dagiti ubbing nupay ti kinanayon a subject ket dagiti nataengan, animal ken teddy bear.
Innayonna a nagbalin a subject na ni Abayon uray pay dagiti nalatak nga artista a kas ni Iza Calzado, Ivana Alawi, ken dadduma pay.
Kabayatanna, nangibati ni Nestor iti mensahe kadagiti padana nga artist a mangrugi pay laeng iti karerada.
