LAOAG CITY – Natay ti maysa nga Ilokana kalpasan a naatake gapu ta naamuan na nga agsardeng pay laeng ti panagtrabaho da iti maysa a five star hotel iti Hawaii.
Ipasardeng ti management ti hotel ti panagtrabaho dagiti empleyado gapu ti agtultuloy a panagwaras to corona virus disease.
Iti report ni Bombo International News Correspondent Manny Pascua, ti pimmusay ket agtawen ti 57, housekeeper ken 16 a tawenen nga agtrabtrabaho iti nasao nga hotel ken tubo ditoy Ilocos Norte.
Kuna na a naklaat dagiti kaubraan ti pimmusay iti napasamak kenkuana.
Segun kenni Pascua, patyen dagiti kaubraan ti pimmusay a pinanpanunot na iti temporaryo a panagsardeng da nga agtrabaho iti hotel gapu ti coronavirus pandemic.
Kabayatanna, naimaldit ti 27 a baro a kaso ti COVID-19 iti intero nga Hawaii.
Inbatad ni Pascua nga agdagupen ti 285 ti kaso ti COVID-19 iti nasao a lugar idinto nga immabot ti 10 a ribo a tattao dagiti naipadalan iti COVID-19 test.
