LAOAG CITY – Umabot iti sumurok 195 a ribu nga indibidual ti naibakwit dagiti kameng ti Philippine Coast Guard (PCG) nga apektado ti panagbettak ti Bulkan Mayon iti Bicol region.
Inbatad ni Philippine Coast Guard Spokesperson, Commodore Noemie Cayabyab, agtultuloy dagiti addang tapno matulungan dagiti pamilia kalpasan a nagalburoto ti nasao a bulkan.
Inpetteng ni Commodore Cayabyab a maysa kadagiti kangrunaan a gagemda ket masigurado ti kinatalged dagiti residente nga adda iti asideg ti Bulkan Mayon.
Nangipatuloddan ti dua a water purification / desalination unit partikular iti Guinobatan ken Camalig, Albay.
Daytoy ket tapno makaipaay ti 10 a ribu a litro ti nadalus nga inumen a danum kadagiti residente iti kada aldaw.
Kabinnulig ti Philippine Coast Guard personnel iti clearing operation tapno ikkaten ti naurnong nga ash fall iti kalsada para iti naurnos ken natalged a panagbiahe dagiti lugan iti lugar.
