LAOAG CITY – Saan a ti Senate Committee on Women, Children, Family Relations and Gender Equality ti agdesisyon no guilty wenno saan ni Kingdom of Jesus Christ leader Pastor Apollo Quiboloy.
Rakurak daytoy ti Kingdom of Jesus Christ leader kadagiti akusasyon a maibatbato kenkuana dagiti dati a miembro ti relihyon.
Segun ken ni Quiboloy, kasapulan a paneknekan dagiti victim-survivors iti korte dagiti akusasyon da kenkuana tapno madependaran na ti bagina.
Inawagan pay ti pastor a “trial by publicity” ti panagim-imbestigar ti komite gapu ta awan ti resource person da iti panagdengngeg gapu ta paspasig a dagiti mangak-akusar kenkuana ti inparang ti Senado
Nupay kasta, naiget a naglikudan ni Quiboloy dagiti nadadagsen nga alegasyon kenkuana kas ti sexual a panagabuso ken dadduma pay.
Iti met biang ni Sen. Risa Hontiveros, inpetteng na a normal laeng iti maak-akusaran a paglikudan na dagiti alegasyon kenkuana tapno makaliklik iti sungsungbatan na iti linteg.
