LAOAG CITY – Kinumpirmaran ni Barangay Chairman Jefferson Flores iti Barangay 17 ditoy ciudad ti Laoag a ni IN-C111 ken ni IN-C101 ket agkabbalay.
Segun kenni Flores, ni IN-C111 laeng ti nagpositibo kadagiti lima a nagswab test kalpasan a nagpositibo ni IN-C101 a maysa a customer service representative.
Gapo iti daytoy, kuna ni Flores nga agtultuloy ti pannakai-lockdown ti compound a pagnanaedan dagitinagpositibo partikular iti Sitio 2.
Kunana a nupay adda dagiti reklamo mainaig iti pannakailockdwon ti compound ket daytoy ti patyen na masapol ken kapintasan nga aramiden da tapno saanen nga agwaras ti virus.
Inbatad na nga adda metten iti isolation unit ditoy ciudad ti Laoag ni IN-C111 ken awan ti marikrikna na a sintomas.
Kabayatanna, uray negatibo ti resulta iti swab test dagiti uppat a kadwa ni IN-C111 ket agtultuloy latta ti pannaka-quarantine da ken naiget a mamonmonitor.
