LAOAG CITY – Kalikagom ti Ilocos Norte Electric Cooperative a maipaawat a nasayaat kadagiti Member consumer and owners ti bill da ti kuryente babaen ti pannakaisayangkat ti Infor Tour.
Malaksid iti bill ti kuryente, patienda a masapol pay a maipakaammo no ania ti parte dagiti Member consumer and owners iti kooperatiba ken no kasano ti panaginot ti enerhiya.
Immuna a nagturong ti kooperatiba iti ili ti Badoc tapnu isayangkat ti nasao nga aktibidad.
Kagiddan daytoy ti pannakaisayangkat ti libre a medical assistance kas paset ti commitment da iti serbisyo publiko.
Adda pay ti raffle draw a nangted ragragsak kadagiti Member consumer and owners, kagiddan ti panangilawlawag da kadagiti nagduduma a plano ken programa ti kooperatiba.
Inpasigurado pay ti kooperatiba ti agtultuloy a panangipaay da ti napintas a serbisyo.
