LAOAG CITY – Immalisto iti 4.1% ti inflation iti Pilipinas idi Marso 2026, ti kangatoan iti napalabas a 20 a bolan gapu iti panagngato ti presyo ti produkto a petrolyo a nangitunda ti dakkel a gastos iti transportasyon, taraon ken dagiti kangrunaan a mabayadan.
Iti press briefing, inbatad ni National Statistician ken Philippine Statistics Authority chief Claire Dennis Mapa a nangatngato daytoy ngem iti 2.4% idi Pebrero 2026 ken 1.8% idi Marso 2025.
Daytoyen ti kaalistoan nga inflation manipod iti 4.4% a nairekord idi Hulyo 2024.
Kabayatanna, adda ti 2.8% ti year-to-date inflation, a nagtalinaed paylaeng a nakastrek iti 2% agingga iti 4% target ti gobierno.
