LAOAG CITY – Balligi a natiliw dagiti innem nga indibidual iti nagsina nga Anti-Illegal Gambling Operation iti ili ti Banna ken Dingras.
Basar iti Banna Municipal Police Station, dagiti suspek ket agtawen ti 54, awanan asawa, construction worker, agtawen ti 55, naasawaan ken agtawen ti 59, agpapada a residente ti Brgy. Macayepyep iti ili ti Banna.
Natiliw dagitoy kalpasan a naaktuaran dagiti otoridad nga agsusugalda ti tong-its.
Gapu iti daytoy, nakumpiskar dagiti nagduduma a gambling paraphernalia pakairamanan ti 1,130 a pisos a mapapati a nausar kas pusta dagiti suspek.
Kabayatanna, basar iti Dingras Municipal Police Station a naarestar met dagiti tallo pay nga indibidual iti Brgy. Root iti nasao nga ili kalpasan a nagsusugalda ti tong-its.
Sumango dagiti innem nga indibidual ti kaso gapu iti panaglabsingda iti Presidential Decree 1602 wenno ti Illegal Gambling Law.
