LAOAG CITY – Ginutigot ni P/Col. Frederick Obar, Provincial Director ti Ilocos Norte Police Provincial Office dagiti kandidato ditoy probinsia para iti 2025 Midterm Elections nga isuko wenno i-safe keeping-da pay laeng dagiti paltogda.
Mainaig iti daytoy, inlawlawag ni P/Maj. Sheryl Guzman, pannakangiwat ti Ilocos Norte Police Provincial Office, apaman a nangrugi ti election period idi Enero 12 ket adda metten dagiti sumagmamano a kandidato ti nangisuko kadagiti paltogda.
Inbatadna a mabalin laeng a kontaken dagiti otoridad tapno isuda mismo ti agturong kadagiti pagtaenganda nga imbes nga isuda ti dumanon iti kuerpo ti pulisia tapno isuko ti paltogda.
Kunana nga adda ti pannakikoordinarda kadagiti maseknan a kandidato tapno maipasigurado nga awan ti dakes a mapasamak ita nga eleksion.
