LAOAG CITY – Nakasaganan ti Ilocos Norte Police Provincial Office para iti maisayangkat a Brigada Eskwela.
Daytoy ti inpakaammo ni P/Maj. Kristian Lee Badua, pannakangiwat ti Ilocos Norte Police Provincial Office.
Inbatadna a daytoy ket paset pay laeng ti tinawen nga iwaywayat ti Department of Education tapno isagana dagiti pagadalan tunggal dandanin ti panaglukat ti klase.
Inlawlawagna a nakasaganan ti nailian a pulisia a tumulong wenno mangasistir iti panagdalus ken pannakaurnos dagiti classroom kadagiti nagduduma a pagadalan iti intero a probinsia.
Innayonna a naiget ti pannakikoordinarda kadagiti amin nga indibidual a makipaset iti Brigada Eskwela tapno agbalin a nakasagana ken nadalus iti pagadalan sakbay a sumrek dagiti estudiante.
