LAOAG CITY – Inbatad ni P/Cl. Frederick Obar, Provincial Director iti Ilocos Norte Police Provincial Office a saanna nga i-tolerate dagiti pulis nga agararamid ti maikanniwas iti paglintegan ti Philippine National Police.
Segun kenkuana, nasken a dagus a maisubmitir dagitoy iti Police Provincial Office tapno maisayangkat ti naan-anay nga imbestigasion kadagiti polis nga aglabsing iti linteg.
IImmunan iti daytoy, nairaman ti maysa a kameng ti Philippine national Police a naidestino iti 2nd Provincial Mobile Force Company iti desgrasia ditoy siudad ti Laoag.
Nupay kasta, naammuan iti imbestigasion ti Ilocos orte Police Provincial Office a saan a nabartek ti polis a nagmaneho iti nadakamat nga aksidente.
Malaksid iti daytoy, agtultuloy ti nainget a panangmonitorda kadagiti kameng ti polis ditoy probinsia tapno maikkan ti maiyannatop a pannusa dagiti agsalungasing iti linteg.
