LAOAG CITY – Nagkedkedan ti 5 panel judges ti International Criminal Court (ICC) Appeals Chamber iti babaen ti “unanimous” decision ti kiddaw nga interim release wenno temporario a pannakawaya-waya ni dati a Presidente Rodrigo Duterte.
Binasa ni International Criminal Court Appeals Chamber Presiding Judge Luz del Carmen Ibáñez Carranza ti nasao a desision.
Pinatibker ti Appeals Chamber ti nagbalin a desision ti Pre-Trial Chamber I nga immunan a pinagkedkedan ti apela ti dati a Presidente para iti interim release no sadinno a makita a kasapulan ti agtultuloy a pannakaibalud ti dati a Presidente ti Pilipinas.
Nupay kasta, inyapela daytoy ti kampo ti dati a Presidente ken inkalinteganda a maipagarup a napaay ti Pre-Trial Chamber I nga addaan ti flight risk wenno adda ti peggad a libasan ti dati a Presidente ti panangtingiting iti maiyak-akusar a crimes against humanity kontra kenkuana.
Immuna iti daytoy, nag-waive ti dati a Presidente ti karebbenganna nga agbalin a present iti panangbasa ti desision iti interim release request-na ken inbilinna ti lead counsel-na a ni Nicholas Kaufman a mangibagi kenkuana ken denggen ti desision ti Appeals Chamber.
