LAOAG CITY – Kinarit ti Malakanyang ni Senador Ronald “Bato” Dela Rosa a mangiruar ti dokumento mainaig iti alegasion daytoy a pilpiliten dagiti imbestigador ti International Criminal Court dagiti retirado nga opisial ti kapulisan tapno agtestigo kontra kadakuada ken ni dati a Presidente Rodrigo Duterte.
Inbatad ni Palace Press Officer Undersecretary Atty. Claire Castro nga alisto laeng ti agaramid ti estoria isu a no adda ti ammo ni dela Rosa a mapilpilitan dagiti pulis ket pagaramidanda daytoy ti affidavit nga adda dagiti taga International Criminal Court ditoy pagilian a mapilpilitda nga agtestigo.
Kunana a nasken nga ilawlawag no ania a klase ti panangpilit ti ibagbaga ti Senador no adda dagiti nasken a tutukan a mapaspasamak nangruna ket uniformed personnel dagitoy a saan met a kaskarina a mabuteng.
Gapu iti daytoy, kinarit ni Castro ni dela Rosa a no adda ti ebidensia ket iruarna daytoyen.
Inlawlawag ni Castro a saan nga agsarsarita isuna para iti International Criminal Court no diket kitkitaenda laeng ti situasion no kasano a naibaga daytoy ni dela Rosa.
