LAOAG CITY – Addan dagiti international rescue teams idiay Venezuela tapno tumulong nga agbiruk kadagiti survivors kalpasan ti dua a nagsaruno a naigsa a gingined a nakatayan ti agarop 235 a tattao ken nakasugatan ti 4,300 a sabsabali pay.
Naamoan a karaman kadagiti pimmusay ket ti sumagmamano a foreign nationals no sadinno a 3 ti manipod iti Spain; dua iti Brazilian; 2 ti Chinese nationals; 9 ti Portuguese nationals ken dadduma pay.
Karaman met kadagiti napan timmulong iti Venezuela ket ti walo a Swiss rescuers ken ti team ti Mexican aid workers.
Mainaig iti daytoy, inpakaammo ti maysa a doktor iti La Guaira a napnun ti pasyente dagiti dua a dakkel nga ospital, ken ti problema ket ti panagkurkurang ti suplay nga agas.
Maipalagip a ti magnitude 7.2 ken 7.5 a gingined a dimmayyeg idiay Venezuela ti maibilang a maikadwa a kapigsaan a timmama iti pagilian sipud idi 1900.
