LAOAG CITY – Immannugot ti Iran ken Estados Unidos iti pannakaiyalud-od ti ceasefire ken pannakaikkat ti pannakaipawil ti panagdalyasat iti Strait of Hormuz.
Daytoy ket iti baet a saan pay nga inaprobaran ni United States President Donald Trump ti nasao a katulagan.
Basar iti report, babaen iti daytoy ket maiyalud-od ti sabali manen nga 60 nga aldaw ti ceasefire kagiddan ti panangtalantan kadagiti nadadagsen nga isyu kas ti nuclear program ti Iran.
Mainaig iti daytoy, no aprobaran ti Washington ken Tehran ti nasao a katulagan ket dakkel nga addang daytoy para iti pannakagun-od ti kinakappia.
Maipalagip a nagbalin nga epektibo ti ceasefire iti umuna a paset ti bulan ti Abril ngem nagtultuloy ti panagsinnukat ti panangatake ti dua a pagilian.
Kabayatanna, manarimaan ti panangipinal ti Iran ti nasao a katulagan ngem saan pay a nangipaay ti naan-anay a komento mainaig iti daytoy a banag.
