LAOAG CITY – Naglikudan ti Iran ti inanunsio ni Presidente Donald Trump a baro a negosasion kalpasan nga imbabawi ti Presidente ti plano da a dakkel a panagatake iti nasao a pagilian.
Iti social media post ni Trump, kunana a nagkiddaw ti Iran iti Estados Unidos a isardeng iti panagatake gapu iti maiyuswat a negosasion.
Mainaig iti daytoy, segun iti Iran foreign ministry, naglikudanda nga adda ti baro a negosasion iti Estados Unidos wenno ti animan a plano a maurnos ti rinnupak.
Kuna pay ni Spokesperson Esmaeil Baghaei nga adda ti negosasion iti nagbetan ti Tehran ken Oman para iti naan-anay a pannakasigurado ti seguridad ken kinatalged dagiti barko a dumalyasat iti Strait of Hormuz.
