LAOAG CITY – Inpasigurado ti Israel nga isuda ket agsubbot kalpasan ti rocket attack manipud idiay Lebanon a nakatayan ti 12 a tattao iti Golan Heights.
Segun ken ni Israeli Defense Minister Yoav Gallant, daytoyen ti kakaroan a panangraut kadagiti sibilian ti Israel gapu iti panangraut ti Hamas idi Oktubre iti napalabas a tawen.
Binabalaw ti Israel ti Hezbollah group manipud idiay Lebanon nga isuda ti adda iti likudan ti panangpatayab ti Falaq-1 Iranian rockets.
Nupay kasta, naiget a naglikudan ti Hezbollah nga isuda ti adda iti likudan ti nasao a panangraut ken awan ti ammoda iti nasao a riribuk.
Nagpanawagan met ti European Union ti imbestigasion maipapan iti nasao nga insidente.
Kabayatanna, kinondenar ti naruay a pagilian kas ti France ken Germany iti nasao a panangraut.
