LAOAG CITY – Inpakaammu ni Israel Prime Minister Benjamin Netanyahu nga awan ti mapasamak a ceasefire iti nagbaetan ti Israel ken Lebanon iti laksid ti kumarkaro a tension no sadinno a kunana a daytoy ket di umiso.
Binilin ni Netanyahu ti militar ti Israel nga itultuloyda ti makiranget ken papigsaen da pay ti puersa da.
Agpapan ita ket saan pay a simmungbat ni Netanyahu iti ceasefire proposal nga indiaya ti Estados Unidos ken France.
Kinuna ni Israel’s Foreign Minister Israel Katz idi Huebes nga awan ti mapasamak a ceasefire iti West Countries gapu ta pumigpigsa met ti tension nga araramiden ti Hezbollah.
Maipalagip a ti statement ni Netanyahu ket napasamak kalpasan ti backlash dagiti right-wing Israeli ministers kadagiti report nga idurduron ti Estados Unidos seknan iti makalawas a ceasefire idiay Lebanon.
