LAOAG CITY – Saan nga iwalin ni Israeli Prime Minister Benjamin Netanyahu ti mangraot kadagiti lider ti Hamas kalpasan ti panagatake da idiay Qatar.
Inpetteng na a saan da a pulos a maaddaan ti “immunity’ sadinno man ti pagturungan da.
Inrakurak daytoy ni Netanyahu iti joint press conference kadwa na ni US Secretary of State Marco Rubio idiay Jerusalem.
Inpalgak ni Netanyahu nga iti kada pagilian ket addaan ti karbengan a mangdependar ti teritoryo da.
Ti desisyon ti Israel a mangpuntirya kadagiti lider ti Hamas iti Qatar a naiget a kaalyado ti Estados Unidos ket nagsagrap ti nakaro pungtot ket pammabalaw manipod ken ni US President Donald Trump.
Naiyuswat met ti taripnong da Netanyahu ken Rubio kabayatan ti panangiyuswat ti Arab Leaders iti Summit kas panangipakita da ti suporta da iti Qatar.
Iti kada prime minister a nagatendar iti summit ket gutgutiguten da ti international community nga isardeng ti agaplikar ti “double standards” ken mangdusa iti Israel.
