LAOAG CITY – Mamati ni Ateneo Policy Center senior research fellow Atty. Michael Yusingco a ti agbalin a testimoniya ni Ombudsman Jesus Crispin Remulla ket maysa kadagiti pinaka-crucial nga ebidenisya tapno paneknekan no pudno nga adda ti saan a mailawlawag a kinabaknang ni Vice President Sara Duterte.
Segun iti abogado, ni Remulla ti addan ti otoridad a mangibaga no adda ti saan a mailawlawag a kinabaknang ti bise presidente, basar iti official records nga iggem ti Tanodbayan.
Inlawlawag ni Atty. Yusingco, nakadulin iti Office of the Ombudsman ti opisyal a kopya ti Statement of Assets, Liabilities, and Net Worth (SALN) ti bise presidente a mabalin nga ikompara iti bank ken tax records na nga agpada a pina-subpoena ti House Justice Committee.
Inbatad na a ti irakurak ni Remulla, mainaig iti official financial record ti bise presidente ket sigurado a mausar kas ‘clear and convincing evidence’ tapno suportaran ti ‘unexplained wealth’ claims kontra ken ni Duterte, a mays kadagiti mairekreklamo kontra kenkuana.
Nupay kasta, dakkel met ti papel ni Remulla wenno ti mangibagi ti Ombudsan iti panangilawlawag no ngimmto ti kinabaknang ti bise presidente a saan nga agtugma iti aw-awaten na a sweldo ken benepisyo kas public official.
Saan met nga ikkaten ti abogado ti posibilidad nga awan ti iregularidad iti SALN ti bise presidente.
