LAOAG CITY – Inbatad ti aktor a ni Jake Vargas a masansan a saludsuden ti partner na nga aktres a ni Inah de Belen no kaanu na nga ikasar gapu ta umaboten iti 11 a tawen ti relasyon da.
Kuna ti aktor a ti met kanayun na nga isungbat ken ni Inah ket madanun to latta ti panagkasar da aglalo ket siguradon nga isuna ti kayatna a makadenna iti tungpal biag.
Inadmitir ni Jake a lima a tawenen nga agdendenna da ken ni Inah, ngem kuna na a ti panaglive-in da ket saan a naplano no di ket dimteng lattan ti gundaway a nagnaed da iti maymaysa a balay.
Inrakurak ti aktor a masapol a saganaan da a naimbag ti panagkasar da, kagiddan ti panangipasigurado na a saan a mapukaw ti panagayat na iti aktres.
Innayon ni Jake a kabayatan a bumaybayag ti relasyon da ken ni Inah ket ad-adda met a marikna na ti panagayat na iti partner na.
