LAOAG CITY – Tsismis ti maipagarup a gapu na ti panangdangran ti maysa nga aggassawa agraman ti principal ti Sto Cristo Elementary School iti Bacarra Ilocos Norte iti maysa a janitress a maipagarup a tsismosa.
Inlawlawag ni Mr. Ronald Padron a maysa a dimmangran kenni Norma Dichoso, janitress ti pagadalan ken residente ti Brgy. Sto Cristo a pagbalbalinen na a switik ken agtatakaw isuda nga aggassawa.
Segun met iti asawa ni Padron, ti utang ni Dichoso ti maysa pay a gapu na ti pannakadangran na gapu ta no masingir ket gumura.
Kabayatanna, inako ti Principal a ni Mrs. Edwina Reginaldo a nasaktan na ti janitress gapu ti maipagarup a panangibutaktak na ti pribado a pakasaritaan dagiti mangisursuro iti ruwar ti pagadalan.
Iti agdama, agsasarita da iti barangay tapno masolbar ti problema da.
