LAOAG CITY – Nangiruar ti Japan ti tsunami advisory para iti Iwate prefecture iti amianan ti nasao a pagilian.
Naballaagan dagiti residente nga umadayoda manipud kadagiti coastal areas ken agturong pay laeng kadagiti nataltalged a lugar.
Naobserbaran ti tsunami iti 70 a kilometro iti kabaybayan ti Iwate Prefecture ken adda ti posibilidadna a madanonna ti Pacific coastline no sadinno ti dalluyon ket dumanon iti maysa a metro wenno tallo a kadapan ken maysa a pulgada ti kangatona.
Naammoan nga awan met ti abnormalities iti Onagawa nuclear power plant nga imatmatonan ti Tohoku Electric Power Co 9506.T.
Kabayatanna, basar iti United States tsunami warning system, ti magnitude 6.7 a gingined ket nangdayyeg iti paset ti east coast iti kadakkelan nga isla ti Japan nga Honshu pakairamanan ti Iwate.
