LAOAG CITY – Nakairekord ti career-high a 51 points ni Justin Brownlee tapno naan-anay nga abaken ti Barangay Ginebra ti San Miguel Beermen iti iskor a 108-102.
Malaksid pay iti nasao nga iskor ket addaan met ti 13 rebounds, innem nga steals ken lima nga assists ti Gilas Pilipinas naturalized player iti ay-ayam a naiyuswat iti Araneta Coliseum.
Gapu iti daytoy, addan ti maysa a panangabak ken maysa a pannakaabak ti Ginebra iti Group B idinto ti Beermen ket addaan ti maysa a pannakaabak ken dua a panangabak.
Dinayaw ni Ginebra coach Tim Cone ti nagbalin a performance ni Brownlee no sadinno nga inaramidna laeng ti nasken iti grupo.
Nakaaramid met iti Ginebra da Japeth Aguilar nga addaan ti 21 points idinto a ni RJ Abarrientos ket addaan ti 13 points.
