LAOAG CITY – Inpasingked ni Sangguniang Panlalawigan Domingo Ambrocio, ti chairman ti Committee on Agriculture a kalikagom ti probinsya a mapagtalinaed ti presyo ti karne ti baboy.
Segun ken ni Ambrocio naputar ti SP ti ordinansa para ti pannakaprebentar a pannakastrek ti African Swine Fever (ASG) ditoy probinsya.
Inbatad na a babaen iti daytoy ket mapaigetan ti pagannurutan kadagiti sumsumrek a pork products kasta pay dagiti aggatang ti baboy ditoy probinsya.
Kuna na a saan laeng nga iti border checkpoint iti ili ti Badoc nu di ket uray iti border ti Pagudpud-Cagayan, Nueva Era-Abra ken iti Solsona-Calanasan tapno maprotekataran dagiti aglaklako ken aggat-gatang.
