LAOAG CITY – Imbestigaran ti House Committee on Public Accounts saan laeng dagiti overpriced infrastructure project no diket pakairamanan dagiti proyekto nga inpatungpal uray saanen a kasapulan.
Inladawan ni Bicol Saro partylist Rep. Terry Ridon ti dinakamat ti Department of Environment and Natural Resources (DENR) nga adda ti sumagmamano a flood control projects a naaramid ngem saan a kasapulan pakairamanan dagiti dike nga awan met ti komunidad ken dagiti flood control projects nga adda iti baet ti kinaawan.
Kunana a saan a problema ti overpricing ngem ti dakkel a saludsod ditoy no pudno a kasapulan ti partikular a proyekto.
Maysa pay a nakita ti kongresista ket ti dolomite beach project iti Manila Bay a saan a nagbalin a paset ti National Economic and Development Authority masterplan para iti Manila Bay Rehabilitation.
