LAOAG CITY – Sinerrek ti maysa a lalaki iti pagtaengan ni Sang Panlalawigan member Rafael Chua Medina a masarakan iti maysa a subdivision iti ili ti San Nicolas.
Segun kenni Police Capt. Sygman Benigno, ti chief of police iti ili ti San Nicolas, naamoan da ti suspek ket maysa a kameng ti Philippine Airforce, agtawen ti 31, taga Brgy. Pasibi West, Urbiztondo, Pangasinan.
Inbatad na a basar iti inwayat da nga imbestigasyon, pasado alas-3:30 ti parbangon ket nakangngeg ti ringgor ti bokal ken iti asawa na manipod iti main door ti pagtaengan da.
Gapu iti daytoy, kinita a dagus dagiti agasawa ti Close Circuit Television wenno CCTV Camera insigida da kinita t cctv camera ket ditoy a nakita da ti panangpwersa ti lalaki a nanglukat ti ridaw ken simrek iti living room.
Apaman nga adda iti living room ti suspek ket dtoy a ginandat na a luktan manen ti ridaw ti maysa a kwarto ngem ditoyen a linapdan ti bokal.
Nagreport met a dagus ti bokal iti Philippine National Police ken iti panagresponde dagiti otoridad ket ditoy a kinemmeg da ti suspek.
Naduktalan dagiti otoridad a ti suspek ket nakaro ti bartekna ken mabalin a nagkamali ti sinerrek na a balay aglalo ket agpapada met amin ti itsura dagiti pagtaengan iti lugar.
Iti panagsasarita ti dua a partido ket nakiareglo ti suspek iti bokal rason a saanen nga intuloy ti opisyal ti nagpila ti kaso a trespassing.
Inpakaammo ni Benigno nga iti agdama ket addan idiay Tarlac ti kameng ti Philippine Airforce gapu ta isu ti nakaideployan na.
