LAOAG CITY – Nagkiddaw ti House Prosecutors iti Senado kas Impeachment Court ti uppat a kanayonan a pre-trial measure para iti naannayas, nalawag ken patas a panagdengngeg iti impeachment trial ni Bise Presidente Sara Duterte.
Iti naipila a manifestation, naibatad ti panagusar ti Filipino ken Ingles kadagiti panangdengngeg, nasapa a panangiyam-ammo kadagiti testigo, panagdawat kadagiti publiko ken pribado a prosecutor a mangusig kadagiti testigo, ken pannakalukat ti karton a record manipud iti Bureau of Internal Revenue (BIR) nga adda ti kustodiar ti korte.
Innayon iti prosekusion, makatulong dagiti addang tapno mapaalisto ti panangusig, malappedan dagiti procedural dispute, ken mapagtalinaed ti pokus iti presentasion ti ebidensia ken testimonia.
