LAOAG CITY – Saan a naapektaran ti kampanya para iti 2024 Presidential Election idiay Estados Unidos.
Daytoy ti inbatad ni Mr. Rene Ballenas – Bombo International News Correspondent idiay United States of America (USA), kalpasan pay laeng ti assassination attempt ken ni dati a Unites States Pres. Donald Trump a nakasugatan ti lapayagna kabayatan ti panagbitla na iti rally na idiay Pennsylvania, USA.
Segun ken ni Ballenas, adda dakkel a gura iti nagbaetan dagiti democrats ken republicans nag isu t mangparparubrob iti tension.
Kunana a no man pay nangiyeg ti panagbuteng ti napasamak ket nagtalinaed a kalmado ti panagannayas ti kampanya.
Innayonna a nga awan ti aniaman a nagngatuan wenno nagbabaan ti ratings dagiti dua a kandidato para iti Presidente.
Kabayatanna, naamuan a saan a daytoy ti umuna a gundaway nga adda assassination a mapsapsamak iti Estados Unidos no di ket sipud pay idi 19th century agingga ita.
