LAOAG CITY – Inawagan a ‘fake news’ ti kabagian ti pimmusay a beterana nga aktres ti panagwaras iti online ti maipagarup a sumagmamano a milyon a last will ken testament daytoy.
Basar iti kampo ti aktres nga awan ti kinapudnona ti nasao nga agwarwaras a damag ken nasken a saan a mamati ti publiko.
Ibilangda a maysa a klase ti panangbastos iti aktres ti nasao a panagwaras ti impormasion.
Plano ti kampo daytoy a kasoan dagiti adda iti likudan ti panangiwaras kadagiti palso a damag.
Idi Enero 29, nai-cremate ti bangkay ti beterana nga aktres.
Nangipasa met ti resolusion ti aktres ken Congressman Lani Mercado-Revilla kas pammigbig iti kinalaing ti aktres.
Maipalagip a pimmusay ti movie icon idi Enero 25 iti tawenna a 91.
