LAOAG CITY – Inbatad ti kampo ni Vice President Sara Duterte nga iti baet ti panagtestigo ni Ramil Madriaga iti agbalin nga impeachment hearing intono Martes, awan ti panagdanag da iti agbalin nga epekto na iti pakabuklan a resulta ti panagdengngeg.
Iti maysa nga interview, inrakurak ni Atty. Salvador Panelo a dagiti immuna a rakurak ni Madriaga ket paspasig a swinswitik amin ken no naikabil koma ti impeachment iti umiso a forum kas ti senado ket ad-adda a mapaneknekan a peke ken awan ti kinapudno na dagiti rakurak na.
Innayon ni Paneo a ti laeng pakaalarmaan ti kampo ti bise presidente ket amangan no mamati ti komite kadagiti inuulbud a rakurak ni Madriaga, aglalo keet agpapada a kalaban iti politika ni Duterte dagiti mangbukbukel ti House Justice Committee.
Kabayatanna, iti maysa a pammilin manipod iti Manila Regional Trial Court, pinalubusan ti korte nga agatendar ni Madriaga iti agbalin a panagdengngeg ti Kamara de Representantes para iti pannakatratar ti impeachment ni VP Sara.
