LAOAG CITY – Inlawlawag ti kasinsin ni Reginald Austria Ros, empleado ti maysa a panganan ken taga ili ti Banna ngem agkaskasera iti Barangay 15 ditoy ciudad ti Laoag a saan a dengue ti rason ti ipupusay na.
Segun ti kasinsin ni Ros, pneumonia ti sakit ti biktima a rason ti nakatayan na.
Inbatad na a naikonsiderar laeng a dengue ti sakit ni Ros ngem basar iti resulta ti eksaminasyon ket negatibo daytoy iti nasao a sakit.
Naamoan nga idi naala ti resulta ti laboratory test na ket pneumonia ti naibaga a rason ti nakatayan ni Ros.
Innayon na a ti impormasyon ti kakaseraan ti biktima a nagturong ni Ros idiay Cagayan ket awan ti kinapudno na.
Kiniddaw pay ti maseknan a malpasen ti nasao nga iysu kalpasan ti panangilawlawag na a saan a dengue ti sinagaba ti kasinsin na.
