LAOAG CITY – Nakitaripnong ni United States President Donald Trump kadagiti top aides para iti pinal a saritaan iti panangiyalud-od ti ceasefire iti Iran.
Nupay kasta, awan pay ti anunsio iti pinal a desision ken saan pay a nalawag no ania dagiti sumaruno nga addang nga aramiden.
Inpetteng ni Trump a nasken nga umannugot ti Iran a saanen nga agaramid ti nuclear weapon wenno bomba ken naan-anay a malukatan ti Strait of Hormuz.
Mainaig iti daytoy, inrakurak ti Iran nga awan ti negosasionda iti Estados Unidos maipanggep iti nuclear programme.
Naisayangkat ti taripnong iti White House’s Situation Room no sadinno a ditoy a napagsasaritaan dagiti kangrunaan nga isyu.
Maipalagip nga immannugot ti dua a pagilian iti memorandum of understanding iti baet nga awan pay ti panangaprobar ni Trump ken ti Iran.
