LAOAG CITY – Napalalo ti ragsak ken panagyaman ni Barangay Kagawad Lucky Paul Baoit iti Brgy. Sto Niño iti ili ti Nueava Era kalpasan a naibasura ti kaso a murder ken frustrated murder nga inpila ti PNP-Banna kontra kenkuana.
Ni Baoit ti naitudo a nangpatay ken ni Jamerson Agamata y Calano, agtawen ti 53 ken residente iti Brgy. Nagpatayan iti ili ti Banna.
Maragsakan ni Baoit gapu ta saan a binaybay-an ti Diyos iti inpabasol da kenkuanan ken nadalusan met laeng ti nagan na.
Inpasingked na a mapaneknekan dagiti kabarangayan na nga awan ti nakabasolan na iti pada na a tao.
Inpakaammo ni Baoit nga awanen ti plano na pay nga agpila ti reklamo kontra kadagiti nangpabasol kenkuana gapu ta ti napateg kenkuana ket madalusan ti nagan na.
Maipalagip a natay kalpasan a nagsaba ti innem a tama ti bala ti paltog ni Agamata no sadinno a lima iti barukong ken maysa iti abaga na idinto a ti anak na a napan na sinukon manipod iti pagadalan ken kadwana idi napasamak ti krimen ket gasgas iti nagduduma a paset ti bagi ti sinagaba na.
