LAOAG CITY – Immabot ti 66 ti nairekord a kaso ti HIV ditoy Ilocos Norte.
Daytoy ti inpakaammo ni Dr. Josephine Ruedas, Provincial Health Officer
Kuna na a naamuan da ti nasao a bilang dagiti kaso ti HIV babaen kadagiti naiwayat a libre nga eksaminasyon ken laboratory test para kadagiti umili.
Segun kenni Ruedas, ginundawayan dagiti maseknan ti libre a programa ti gobyerno ti probinsya tapno maamuan ti estado da iti HIV.
Inbatad na a maysa a menor de edad ti agsagsagaba ti HIV gapu ta ti ina na ket agsag-sagaban ti HIV idi sikog na ti ubing.
Naamuan nga immabot ti 20 nga ili ti addaan ti kaso ti HIV karamanen ti siudad ti Laoag ken siudad ti Batac.
